Mag-atubang sa multa ang driver ug tag-iya sa mga sakyanan ning syudad sa Cagayan de Oro kansang mga tambutso nagbuga sa itom nga aso.
Mao kini ang gibutyag ni Armen Cuenca, Hepe sa City local Environment and natural Resources office sa City hall kon Clenro.
Sa Press Conference sa City hall kagahapon, gipahayag ni Cuenca nga ila nang gisugdan ang ilang Smoke Belching Campaign silbing pagpatuman sa Republic Act 8749 ang Clean Air Act of the Philippines.
Matud ni Cuenca nga kadtong driver nga ilang masapon nga nag-drive sa sakyanan nga nagbuga sa itom nga aso, ilang multahan sa 500 pesos sa unang sala, 1000 pesos sa ika duhang sala ug sa ikatulong sala ilang ipa-suspended sa Land Transportation Office ang registration sa maong sakyanan.
Gidugang ni Cuenca nga ang ilang Smoke Belching Campaign sa city hall subay sa kasaulogan sa Environmental month ning bulan sa Hunyo.
