Sige-sige ang pagpangdakop sang Iloilo City Anti-smoking Task Force ukon ICAST sa mga nagapanigarilyo sa mga pampubliko nga lugar.
Ginpahayag ni Mr. IƱigo Garingalao, chairman sang ICAST nga wala naga-untat sa pagpangdakop ang ila mga personnel agud masiguro nga smoke free ang siyudad sang Iloilo ilabi na subong nga Dinagyang festival.
Ginpaathag ni Garingalao nga bisan dis-oras sang kagab-ihon padayon ang ila operasyon batuk sa mga nagapanigarilyo kon sa diin madamo sila sang nagkaladakpan.
Suno sa iya nga bangud sa ila hugot nga pagpatuman sang anti-smoking ordinance, amat-amat man nga nagadiutay ang mga nagapanigarilyo sa public places.
Ini base sa data nga ila natipon kon sa diin sang Lunes nakadakop sila sang 70, nagnubo sa 40 sang Martes, 25 sang Miyerkules kag 17 ang nadakpan sang Huwebes sang gab-i.
Sa pihak sini, nagalaum si Garingalao nga magadamo pa gid ang ila madakpan subong nga sabado kag sa buwas nga adlaw nga highlight sang dinagyang.
