Itay laeng malem, maika 26 iti bulan ti Enero, oras ti alas singko, Naindaklan a panagrambak ti inyuswat ti Gobyerno Probinsyal ti Ilocos Norte.
Nadanunan ti maika 200 a tawen ti probinsya ket kas pananglukat iti naindaklan a parambak, naaramid ti panagparada dagita amin a sangay ti gobyerno pakairaman dagiti amin nga ili ken siyudad ti Ilocos Norte.
Ti nangpasantak iti daytoy a pabuya ket iti “Dance Parade” dagiti Tan-ok Dancers ti 21 nga ili ken dua nga siyudad iti probinsiya ken ditoy nga naimatangan dagiti agkakapintas nga ramrambak iti naduma duma nga ili, agkakapintas nga arwat nga binuyugan ti laing nga sumala dagiti Ilocano.
Adu nga aktibidades ti maipabuya iti selebrasyon ti probinsya ket maysa daytoyen ti mapaspasangasangan nga Tan-ok Festival nga maangay inton February 2, 2018 idiay Ferdinand E. Marcos Memorial Stadium, daytoy nasao nga programa ket indaulwan ti Ina ti Probinsya a ni Gobernadora Imee R. Marcos karaman dagiti amin nga opisyales iti probinsiya.
Intayo ngarud pasingkedan ti kinatan-ok ni Ilocano babaen iti panangtarabay ken panangsuporta dagiti aktibidades nga insagana ti Gobyerno Probinsyal.
Photos by Joselito Agustin, Broadcast Technician, iFM Laoag
