BACOLOD CITY – Ginkastigo sang mga bystander ang isa ka snatcher nga nadakpan sini gid lamang nga kaagahon sa Brgy. 36, ciudad sang Bacolod.
Ginkilala ang suspek nga si Reynaldo Ferrer, 36 anyos ang edad, soltero kag pumuluyo sang Purok Mainabyanon, Brgy. Singcang Airport, Bacolod City.
Ang complainant naman nakilala kay Irish Gemarangan, 22 anyos ang edad, dalaga kag pumuluyo sang Purok Imaculada, Brgy. 36, Bacolod City.
Base sa blotter report sang Police Station 1, natabo ang insidente may mga la 1:15 sini gid lamang nga kaagahon (July 27, 2018) sa Brgy. 36 kon diin ang biktima ang halin sa iya trabaho kag sang malapit na sa iya balay hinali na lamang ini nga ginpalapitan sang suspek.
Nakibot ang biktima sang gin-agaw sang suspek ang iya bag kag ginbuno pa sang makapila ka beses samtang ginahinambit ang mga tinaga nga “dal-a di bag mo kay patyon ta ka.”
Sang nadakpan ang suspek natigayon nga mabawi sa iya ang bag sang biktima nga mayunod nga mga kagamitan lakip na ang eyeglasses nga nagabalor sang P5 mil pesos, contact lens, payong kag wallet.
Nakuha sa possession sang suspek ang isa ka screw driver sa diin detained na ini karon sa custodial facility sang Police Station 1./dyHB BACOLOD
