GENERAL SANTOS CITY – Napalpak ang plano nga pag-ipsot sa usa ka snatcher human iyang gilabni ang cellphone sa iyang biktima niaging gabie sa may Plaza Heneral Santos.
Giila ang suspek sa pangalang Jason Callejo 21 anyos minyo og laborer nga residente sa Purok Rajah Muda Barangay Bula ning siyudad og gibiktima niini ang us aka ulitawong designer engineer nailhan sa panglang Jimbert Javier.
Nigawas sa imbestigasyon sa Pendatun Police Station nga nangayo og pakitabang ang biktima tungod may duha ka suspek ang nilabni sa iyang cellphone.
Nagpahigayon og pursuit operation ang kapolisan og nailhan sa biktima ang suspek nga maoy nikuha sa iyang personal nga gamit apan wala na marekober balik ang iyang cellphone.
Human masikop ang suspek gipailawom kini sa medical examination og gipaslak sa lock up cell sa presinto.
