TACLOBAN CITY – Ginkansela naman gud han Philippine Coast Guard (PCG) Eastern Visayas an ngatanan nga biyahe han sarakyan pandagat sanglit kadam-an in nagka-iistranded ha mga pantalan.
Ha interview han RMN kan Rayden Cabrigas, Information Officer han OCD Region 8, umabot na ha 772 nga pasahero an naistranded ha mga port areas han Region 8.
Pinakadamo nga pasahero an ha Jubasan Port ha Northern Samar kun diin mayada 342 nga naistranded, ginsundan han Liloan ha Southern Leyte nga mayada 220 nga pasahero, San Ricardo 100, Looc Port 58, Ormoc Port 38 ngan San Isidro Port ha Northern Samar 17 nga pasahero.
Abiso han mga otoridad nga diri na magpwersa pag-ikabiriyahe an mga pasahero tungod nga malain iton kahimtang han panahon.
Hulton nga mawara an storm signal ngan kumalma an kagadatan.
