Davao City – Arestado ang duha ka managsuon atol sa nahitabong buy bust operation sa Talomo Police uban ang PDEA 11 alas-7:40 sa kagabhion duol sa may Talomo Elementary School.
Arestado mao sila si Judah Pugoy Chatto alyas Ton-Ton Pogoy, 27 anyos minyo nga taga Washington Basak, Barangay Talomo Davao City ug Israel Pogoy Chatto, 25 anyos nga taga Salakot, Brgy. Talomo, Davao City.
Base sa rekord sa Police Regional Office XI, positibong napalitan og usa ka sachet sa gituohang shabu ang mga suspek pinaagi sa poseur buyer gamit ang 1,000 pesos buy bust money.
Nakuha sa posisyon ni Israel ang buy bust money, 120 pesos ug usa ka cellphone samtang nakuha kang Judah ang laing usa pa ka cellphone ug usa ka motorsiklo.
Base sa impormasyon, ang duha ka managsuon kanunay ginareklamo sa ilang barangay officials gumikan sa ilang pagkalambigit sa iligal nga droga diin matod pa si Judah nagpaka aron ingon nga payong-payong driver alang sa transaksyon niini sa droga ngadto sa ilang barangay.
Mag atubang og kasong kalapasan sa R.A 9165 kon Comprehensive Dangerous Drugs Act of 2002 ang mga dinakpan.
RadyoMaN Abi Bibera
