Nagdumili pagkomentaryo ang Commission on Election (COMELEC) Butuan sa isyu kung nagmatinud-anon ba ang mga kandidato sa pagdeklara sa ilang Statement of Contribution and Expenditures (SOCE) sa ilang buhatan kung diin kagahapon ang gitakda nga deadline.
Sigun ni Ganger Ranada, OIC Election Officer sa COMELEC Butuan nga “under oath” sa mga kandidato ang gidusu nila nga SOCE ug pinaagi niini mahimu sila’ng makasohan kung bakak ang nakapatik sa maong dokumento.
Niya pa nga bukas ang buhatan sa COMELEC nga modawat ug reklamo aron pag-kwestyon sa unod sa SOCE.
Kahibaloan nga ubos sa balaod, 3 pesos lamang matag rehistradong botante ang gitugot nga gastohon sa usa ka kandidato nga nagpasilong ug partido samtang 5 pesos usab matag rehistradong botante ang angay gastohon sa independienti’ng kandidato.
Mahimu usab makakuha ug kopya sa SOCE ang bisan kinsang hingtungdan gikan sa COMELEC isip usa kini ka public document ug kinahanglan lamang adunay “request letter”.
[image: SOCE.png]
