General Santos City–Gisugdan na sa buhatan sa City Social Welfare Development Office (CSWDO)-Gensan ug Office Of Senior Citizens Affairs (OSCA) ang pag-relase sa mga social pension sa mga kwalipikadong senior citizen sa syudad.
Sumala pa ni Adelina Sosas, ang focal person nga kagahapong adlawa, June 11, 2018 gisugdan ang pag-relase sa Social pension ug kini mahuman karong June 21, 2018 sa Robinson’s place kung diin gilauman nga dagsaon kini ug 12,848 ka mga binipisyaryo niini.
Adunay gi-alokar nga adlaw matag barangay alang sa pagkuha sa ilahang mga social pension aron usab nga mamahimong han-ay ang pag release niini.
Samtang mukabat usab ngadto sa P3,000.00 ang madawat sa mga senior citizen nga equivalent usab sa duha ka quarter o unom ka bulan. (Dave Silagan)
