Dungan sa kasaulogan sa Independence day ugmang adlawa, mao usab ang pormal nga pagbukas sa “Naliyagan Festival 2018” didto sa lalawigan sa Agusan del Sur.
Ubay-ubay sa mga nakalinya nga aktibidad ang masaksihan sa mga katawha’ng bisita ug mga dumudoong.
Mahitabu ang pormal nga opening alas 5 sa hapon sa Datu Lipos Makapandog Cultural and Sports Center human sa programa sa Independence day ugmang adlawa.
Molungtad sa 6 ka adlaw ang pagsaulog sa tinuig nga Naliyagan Festival diin sa ulahing karong Hunyo 17, mamahiming bisita si Davao City Mayor Sarah Duterte- Carpio.
Ang maong adlaw mao ang ika-51 nga founding anniversary sa Agusan del Sur ug magpahigayun usab sa iyang State of the Province Address (SOPA) si Gov. Adolph Edward “Eddiebong” Plaza sulod sa SP Session Hall Legislative Building ug sa pagkagabie masaksihan ang giatangan nga “Binaga Tu Naliyagan”.
Sent from my Samsung Galaxy smartphone.
