General Santos City–Mukabat ngadto sa 57 ka mga estudyante sa Arizala Elementary School nga nahimutang sa Barangay Mabuhay, Gensan, ang nakadawat ug libreng school supplies gikan sa usa ka Auto Club nga nakabase sa Gensan, alas 9:00 sa buntag, kagahapong adlawa, dungan sa pag selebrar sa adlaw sa kagawasan sa Pilipinas.
Sumala pa ni Tatex Macalangcom, ang presidente sa Hyudai Eon Club Of The Philippines (HECP) Socksargen Chapter nga ilang gihimo ang maong aktibidadis aron nga makatabang sa mga estudyante nga buot mag eskwela apan kulang ug gamit sa eskwelahan.
Pinaagi matud pa niini ilahang mapaambit sa mga nasangpit nga mga bata ang ilang mga subrang blessing ug mabuhat usab nila ang ilahang social responsibility sa komunidad isip usa ka grupo.
Gawas sa Arizala Elementary School daghan pa usab sila ug eskwelahan nga buot pang adtuan aron nga mupaabot sa ilahang hinabang. (Dave Silagan)
