“Zero tourism ang Socsargen” matapos nga mas naapektuhan sang ginapatuman nga Enchanced Community Quarantine tungod sa paandam sang Coronavirus disease ukon COVID-19, suno kay Department of Tourism ukon DOT 12 OIC Regional Director Armin Hautea.
May-angot sini, ginaawhag ni DOT Regional Director Hautea ang mga local government units sa rehiyon nga planuhon na ang mga programa agud nga gilayon nga makabawi ang turismo sa ila tagsa ka mga lugar nga lakip sa mas naapektuhan sang Enhanced Community Quarantine ukon ECQ tungod sa COVID-19 ang industriya sang turismo.
Suno kay Hautea tungod sini madamo sang mga pumuluyo sa rehiyon ang nawad-an sang pangabuhian.
Samtang isa sa ginaduso sang DOT 12 suno pa sa iya pagkatapos ang ECQ ang pagpaumwad anay sang local tourism industry sa kada lugar paagi sa farm tourism tungod indi man magpasimpalad sa iban nga lugar nga maglagaw ang mga residente pagkatapos sang lockdown kundi iprayoridad sa gihapon ang pagbisita sa mga tourist spot sa lugar.
