Gipahigayon sa Bukidnon Police Provincial Office kon BPPO ug religious groups ang solidarity walk kaganehang buntag ning siyudad sa Malaybalay.
Tumong niini mao nga mapakita nga ang katawhan sa lalawigan sa Bukidnon nga dili gusto og gubot ug mapakita ang panaghiusa sa nagkadaiyang grupo sa probinsya.
Ang maong solidarity walk gitawag usab og “Lakad para sa Kapayapaan, Iwaksi ang karahasan” nga gisalmutan sa mga igsoong Muslim, Kristiyanos, ubang religious groups, ug bisan kinsa sa komunidad.
Matud ni Police Lieutenant Colonel Daryl Aranton, ang hepe sa Police Community Affairs Development Branch nga human sa solidarity walk, gisunod ang inter-faith prayer rally ug peace covenant signing sa Kaamulan Flok Arts Theater ning dakbayan.
Tumong usab sa kalihukan nga kondenahon ang tanang terror activities ug i-ampo ang kamalinawon sa umaabot nga eleksyon sa Mayo.
