MOISES PADILLA – Isa ka soltero ang ginbuno sang magulang sang iya ginapangaluyagan nga babayi pasado las 8 kagab-i sa banwa sang Moises Padilla.
Ang biktima ginkilala kay Rene Sevillano, 24 anyos ang edad, pumuluyo sang amo man nga lugar.
Suno kay Rene nga ini siya ang nagpadulong sa balay sang babayi nga iya ginapangaluyagan kon diin ato man didto sang amo nga tion ang utod nga lalaki sang iya ginapangaluyagan.
Ginpahayag sang biktima nga naakig ang magulang gani nakibot na lamang ang biktima sang hinali na lamang ini nga ginbuno kag naigo sa iya nga tiyan.
Gindala pasado las 3 sini nga kaagahon sa Corazon Locsin Montelibano Memorial Regional Hospital ang biktima kon diin padayon ini nga ginabulong./dyHB BACOLOD
Facebook Comments
