BACOLOD CITY – Ginpadakop sa pulis ang isa ka soltero kahapon sang aga matapos ginreklamo sang isa ka babaye nga nagamasturbate sa sulod sang isa ka convenience store sa Brgy. Taculing, Bacolod City.
Ang tagreklamo isa ka 27-anyos nga misis, pumuluyo ang isa ka barangay diri sa ciudad samtang ang suspek naman, 23 anyos nga soltero nga pumuluyo sang Brgy. Taculing.
Suno sa reklamo ni misis, may mga las 6:30 kahapon sang aga, ini siya ang nagkadto sa isa ka convenience store sa amo nga barangay kag iya nakita ang suspek sa akto nga nagakuot sang iya kinatawo samtang ginalantaw kag ginapantasyahan sya.
Ginpahayag sang biktima nga ang amo nga hitabo ang nagdulot sa iya sang pagka-embarrass kag kahadlok rason nga ini ang nagreport sa Police Station 6 agud ipadakop ang soltero.
Sa interview sang dyHB sa lalaki, iya ginpabutyag nga hubog lang sya kag wala na sya nakahibalo sang iya ginhimo.
Una ato nga tion nga sya nagkuot sang iya kinatawo kag ginpantasyahan ang 27 anyos nga misis nga iya manlang kilala.
Nagapangayo ini sang pasensya sa hitabo kag nagpangako nga indi na masulit.
