Nakuha sang South Cotabato ang 2nd place sa Most Competitive Province sa bug-os nga pungsod subong nga tuig matapos nga ginpatigayon kahapon nga adlaw ang awarding ceremony kadungan sang 5th Annual Regional Competitiveness Summit Awards Ceremony sa Philippine International Convention Center sa Pasay City.
Nahibaluan nga sang nagligad nga tuig 3rd place ang probinsya sang South Cotabato sa Most Competitive Province.
Ginpangunahan naman ni South Cotabato Vice Governor Vicente de Jesus ang delegasyon sang probinsya upod ang mga miyembro sang Sangguniang Panlalawigan, mga Department Heads sang Provincial Government kag mga alkalde nga nangin Most Competitive Municipalities man sa bug-os nga pungsod.
Nangin basehan naman sang award sa NCC ang pag-umwad sang ekonomiya, paghatag sang serbisyo, infrustruktura kag resiliency sang isa ka lokal nga panggobyerno.
Ang mga ginhatagan sang award ang halin sa 1,500 ka mga LGU`s sa 3rd – 6th class municipalities,1st kag 2nd Class Municipalities, Component Cities kag Highy Urbanized Cities.
May-angot sini suno kay South Cotabato Governor Daisy Avance Fuentes ang award ang pamatuod lamang nga sa pihak sang mga nagakatabo sa probinsya kapareho sang pagpanunog sang pipila ka mga construction equipment, bus sang nagligad nga tuig nagapabilin sa gihapon ang pagsalig kag kumpyansa sang mga negosyante sa South Cotabato.
Samtang sa most competitive cities and municipalities ika-11 ang Sto. Niño, #13 ang Norala sa 3rd-6th class municipalities, sa 1st – 2nd class municipalities #19-Surallah, #7 – Polomolok, sa Component City #20 ang Koronadal City.
