Ginlunsar na kahapon nga adlaw sa banwa sang Tampakan ang South Cotabato Covid-19 Contact Tracing System nga mismo gintambongan ni Governor Reynaldo Tamayo Jr. Tampakan Mayor Leonard Escobillo, ABC President Rolando Malabuyoc, Provincial Planning and Development Coordinator Jennifer Bretaña kag iban pa.
Ginpahayag ni Mayor Escobillo nga suportado niya ang SCCTS tungod nakit-an nya nga daku ini nga bulig agud mapadasig ang contact tracing sa tion nga may-yara sang magpositibo pa sa COVID -19 sa banwa.
Kabahin sang seremonya ang pagpatigayon sang official testing kag scanning sang CCTS card matapos nga syento porsyento suno pa sang mga residente sang Tampakan ang nakaparehistro na sa nasambit nga nga contact tracing system.
May-angot sini, sa iya mensahe ginpahayag ni Governor Tamayo nga apat na ka mga requirements ang na-comply sang probinsya sa diin daku suno pa ang mabulig sini sa kampanya kontra Covid-19 sa pihak sang pag-alabot na sang mga returning OFW ukon ROF kag locally stranded individuals ukon LSIs.
Ginpahayag niya man nga nagapabilin suno pa nga COVID-19 free ang probinsya bisan may tatlo ka mga panibag-o nga nagpositibo sa nasambit nga balatian tungod lunsay naman ang mga ini locally stranded individual kag wala pa sang local transmission dire sa probinsya.
Dugang pa sang gobernador nga sa subong may-yara na sang COVID-19 Hospital, quarantine kag isolation facilities kag testing center ang probinsya magluwas pa sa South Cotabato COVID-19 Contact Tracing System ukon SCCCTS.
Ginahingyo naman ni Governor Tamayo ang suporta sang iban pa nga mga local government units sa probinsya sa SCCCTS bilang pagsunod sa COVID-19 Contact Tracing Ordinance sang probinsya.
Ginaobligar naman ang mga business establishment’s kag government offices sa probinsya nga magparehistro sa SCCCTS.
