Mangin epektibo pa sa Hulyo 10 subong nga tuig ang South Cotabato Covid-19 Contact Tracing System ordinance tungod tubtob pa sa Hunyo 24 ang posting kag may 15 pa ka adlaw para sa information dissemination, suno kay Provincial Legal Officer Atty. Marnito Cosep.
Samtang suno kay Provincial Planning and Development Coordinator Jennifer Bretaña natalana nga ilunsar provincewide sang provincial government ang SCCTS sa Hunyo 18 subong nga tuig.
May-angot sini, iya ginpaklaro nga kon digital logbooking ang gamiton wala sang makita nga impormasyon ang nagakapot sang terminal sa pagscan kag utomatiko suno pa nga magdiritso sa server nga ang data protection officer lang ang makaaccess nga yara sa Provincial Epidemiology and Surveillance Unit sang Integrated Provincial Health Office.
Dugang pa ni Bretaña nga ang angot naman sa manual logbooking ang isubmitir kada semana sa Provincial Epidemiology and Surveillance Unit kag indi sa Provincial Planning and Development Office.
Ginahangkat man nila ang mga magagmay nga establishemento kag bisan ang tindahan nga magpatuman sang SCCTS.
Sa subong nagapadayon ang ginapatigayon nga SCCTS registration sang provincial government.
Samtang sa tion suno pa nga mapatuman na provincewide ang SCCTS ireport niya ini sa International Community matapos nga ang South Cotabato pa lang ang may amo nga klase sang COVID-19 contact tracing system nga indi kinahanglan maggamit sang cellphone kag internet.
