South Cotabato – Luyo paman sa COVID-19 scare, wala gihapon girekomenda sa Provincial Disaster Risk Reduction and Management Council (PDRRMC) sa South Cotabato ang pagpailawom sa probinsya ngadto na sa state of calamity.
Base sa gipagawas nga pahayag sa PDRRMC sa probinsya, dili matud pa sila mopasa sa gitakdang criteria aron magdeklara ug state of calamity.
Apan luyo niini mamahimong gamiton gihapon sa probinsya ang ilang trust fund sa pagpamalit ug mga Personal Protective Equipment (PPE’s) ug uban pang panginahanglanon sa pagbatok ug pag-quarantine ugaling man nga adunay taga south Cotabato nga ipailawom sa Person Under Investigation (PUI).
Nasayran nga sa kasamtangan walay PUI sa South Cotabato apan adunay lima ka mga Person Under Monitoring nga natala ang Provincial Health Office sa probinsya kung asa ang mga nasampit ang adunay travel history sa mga lugar nga labing apektado sa COVID19. Hinuon sa kasamtangan pahumanay na ang 14 ka adlaw nga pagquarantine sa mga nasampit.
