Opisyal na nga ginpaidalom sa state of calamity ang bug-os nga probinsya sang South Cotabato matapos aprobahan sang mga katapo sang Sangguniang Panlalalawigan sa ginpatigayon nga special session kahapon nga adlaw ang resolution no. 1 series of 2019 sang Provincial Disaster Risk Reduction and Management Council tungod sa dengue cases outbreak sa probinsya.
Base sa datos nagalab-ot na sa 3,348 ang kaso sang balatian nga dengue sa probinsya kag yara na sa 21 ang patay halin Enero 1 tubtob Hulyo 13 subong nga tuig.
Ang kaso ang mataas sang 149% kumparar sang nagligad nga tuig sa kapareho nga period.
Samtang ang mga banwa nga nagdeklarar na sang state of calamity amo ang banwa sang Surallah, Tantangan, Norala, Banga kag Sto. Niño.
May-angot sini, pagagamiton naman ang first kag second quarter disaster quick response fund sang P31 million subong nga tuig para sa mangin aksyon batok balatian nga dengue.
Ginpahayag ni Provincial Administrator Atty. Renette Bergado, OIC PDRRMO ang pondo ang paggamiton para sa pagbakal sang fogging kag misting machine, chemicals pagpatigayon sang massive Information Education Campaign, pagbakal sang NS 1 kitS para sa early detection kag purchase sang blood platelet separator.
Nagalab-ot naman sa inisyal nga P5 million ang magamit nga calamity fund para sa nasambit nga aktibidad kag baklon nga equipment.
