General Santos City–Andam na ang kapulisan sa South Cotabato alang sa pagbantay sa seguridad sa katawhan nga mobotar sa umaabot nga Mayo 13 sa lokal ug National Midterm Election.
Kini ang nahimong pamahayag ni Police Colonel Joel Limson ang Police Provincial Director sa South Cotabato human nahinabi sa RMN-Gensan
Sumala pa sa opisyal nga duna na silay gihimong security plan alang sa umaabot nga eleksyon aron mamahimong han-ay ang pagdeploy sa mga pulis nga mobantay sa nagkadaiyang lugar sa South Cotabato og kumpleto na matud pa ang mga deployable personnel nga gikan pa sa Region.
Samtang pagbutyag man usab ni Police Colonel Joel Limson nga padayon ang ilahang monitoring sa area sa South Cotabato partikular na sa lugar sa Tampakan, Banga ug Lake Sebu kung asa duna matud pay presensiya sa rebeldeng grupong new people’s army kon npa.
Gikumpirma sab ni Limson nga duna silay nadawat nga mga impormasyon gikan sa mga residente nga duna matud pay mga rebeldeng grupo nga nakit-an sa lugar nga nagapangayo ug bayad sa mga kandidato sa pagpangampanya og ilaha na kining ginavalidate aron mahibaw-an kung tinuod ang impormasyon nga naabot ngadto kanila. (Reynald Timario)
