South Cotabato Provincial Hospital na-8888 tungod sa indi suno pa paghatag sang diskwento sa pasyenti nga PWD, Provincial Government nagsabat na.

Nareport sa 8888 hotline ang South Cotabato Provincial Hospital tungod sa aligasyon nga wala suno pa naghatag sang diskwento sa pasyenti sini nga isa person with disability ukon Pwd.
May-angot sini gilayon niya suno kay South Cotabato Governor Daisy Avance Fuentes nga ginpaimbestigaran ang nasambit nga reklamo.
Suno sa gobernadora nagahatag naman suno pa ang Provincial Government sang sang ayuda sa mga Senior Citizen, PWD kag indigents.
Apang kon sa billing section sang hospital nagpangayo ang pasyenti indi gid ang mga ini makahatag kundi sa social worker ini mangayo nga malapit man sa billing section sang balay bululngan.
Samtang ginpasalamatan naman ni Dr. Rogelio Aturdido Provincial Health Officer sang South Cotabato nga tungod sa nasambit nga reklamo nakita nila ang problema sa ginapatuman nga sistema.
May-angot sini, kaayuhon na nila ang sistema nga utomatiko nga may discount ang mga PWD paagi sa pagbutang sini sa chart sang pasyenti kon may-yara sang mapakita nga ID sa pag-admitir pa lang.
Sa subong ang utomatiko suno pa nga may-yara sang diskwento sa hospital bill ang senior citizen kag mga indigent.
Base naman sa iya pagpangusisa suno kay Dr. Aturdido nagpadulong ang iloy sang pasyente sa billing section kag ginhambalan man ini nga magkadto sa Social worker incharge para sa assessment, apang wala man ini nagkadto.
Kahapon nga adlaw ginsabat na sang lokal nga panggobyerno ang nasambit nga reklamo matapos nga ginhatagan lang sila sang lima ka adlaw nga sabton ang reklamo.
Nahibaluan nga nabaton sang Provincial Government ang nasambit nga reklamo sang Nobyembre 3 subong nga tuig.