Wala pa nalakip ang South Cotabato sa ipatigayon nga mass polio vaccination sang Department of Health tungod gin-una pa ang NCR kag pipila ka lugar kapareho sang Marawi City, Lanao del Sur, Davao City kag Davao del Sur nga may-yara sang kaso sang nasambit nga balatian.
May-angot sini, ginaawhag ni Dr. Rogelio Aturdido Jr., Provincial Health Officer sang South Cotabato ang mga ginikanan nga tungod wala pa nalakip ang probinsya sa supplemental polio vaccination pabakunahan gid ang mga kabataan sa ginapatigayon nga regular polio vaccination sa mga health center nga dapat kabaton sila sang tatlo ka doses.
Samtang sa subong suno kay Dr. Aturdido nagapabilin nga wala sang kaso sang balatian nga polio sa probinsya.
Apang advice niya sa mga health workers kag mga ginikanan nga kon may mga kabataan nga nagaedad 15-anyos panubo nga nakabatyag sang pagluluya sang tiil kag kamot ang gilayon nga ipalab-ot sa health center ukon hospital agud nga makuhaan sang specimen kag mapaexamine.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
