Yara sa ika-36 nga pwesto ang probinsya sang South Cotabato sa mga lugar sa bilog nga Pilipinas nga may pinakamataas nga numero sang mga stunted ukon putot nga mga kabataan, ini ang ginpahayag ni Provincial Nutrition Action Officer Maria Ana Uy.
May-angot sini, ginhatagan importansya ni Uy ang proper nutrition sang mga nagabuntis nga iloy para sa ikaayo sang ila mga lapsag sa una nga 1,000 days sang mga ini, umpisa sang ginabusong pa lamang tubtob sa ila ikaduha ka tuig.
Apang suno kay Maam uy nga indi man tama ka alarming ang insidente sang pagkaputot sa South Cotabato, apang ini ang ila ginatutukan sa subong partikular sa banwa sang Lake Sebu kag T’Boli.
Samtang tungod sa pagkalakip sa top 36 sang South Cotabato mangin isa ang probinsya sa mga mangin prayoridad sang mga programa sang national sa bahin sang nutrisyon.
Paklaro pa ni Maam uy nga minimal ang contribution sang tungod sa lahi kon ngaa may-yara sang putot nga mga kabataan kundi nagabase sa nutrisyon sang iloy samtang yara pa sa tyan ang lapsag.
