SOUTHERN LEYTE – Personal nga nangaro hi Southern Leyte Governor Christopher Yap kan Presidente Rodrigo Duterte hin pasilidad nga makakabulig ha mga pobre nga pamilya nga kinahanglan hin health services ha probinsya han Southern Leyte.
An Malasakit Center in one-stop-shop para mabuligan an mga pasyente nga matagan hin assistance tikang ha Department Of Health (DOH) Philippine Insurance Corp. (Philhealth), Dept. of Social Welfare and Development, Philippine Charity Sweepstakes Office (PCSO), Ngan Philippine Amusement And Gaming Corp.
Ha pagbisita ni Presidente Duterte ha Southern Leyte ginsidngan hi Yap nga igpapasabot ini ni Duterte kan Health Sec. Francisco Duque III ngan Presidential Assistant for the Visayas Michael Dino.
Nag-uusaan pala iton Malasakit Center ha Region 8, ini in nahihimutang ha Eastern Visayas Regional Medical Center (EVRMC) ha Tacloban City ngan sumala kan Yap ini in harayo ha ira probinsya.
An Local Government han Southern Leyte in naglalaum nga magkakamayada Malasakit Center ha probinsya ngan plano ini igbutang ha Southern Leyte Provincial Hospital.
