Ginapatrabaho gid sang Public Employment Service (PESO) South Cotabato ang mga beneficiaries sang Special Program for the Employment of Student (SPES) agud nga may pulos man suno pa ang paghatag sa ila sang daku nga sweldo.
May-angot sini, ginahangkat sang pamunuan sang PESO South Cotabato ang mga opisina sang provincial government nga hatagan ang mga ini sang nagakaigo nga trabaho nga makabulig sa ila.
Suno kay Maam Merlyn Esteban sang Peso South Cotabato ini tungod makabaton sang P477.73 kada adlaw ang mga SPES beneficiaries.
Ini matapos nga nag-umpisa na sang Abril 10 ang first batch sang SPES beneficiaries sang provincial government.
Nahibaluan nga subong nga summer may-yara sang 500 SPES beneficiaries ang provincial government sa diin ang 1st batch yara sa 160 nga magatrabaho tubtob sa Mayo 8, 2nd batch nagalab-ot sa 170 nga ideploy sa Abril 23 – May 21, kag ang 3rd batch nga yara man sa 170 ang ideploy naman sa May 2 – 31.
Samtang sa last day sang mga SPES beneficiaries ang magapatigayon sang clean and green program sa provincial capitol compound.
