SPICY KOREAN NOODLE – Tag pila man gyud diay ni?

1041

Nauso karon sa mga batan-on ang gitawag nga Spicy Noodle Challenge. Usa ka Korean brand sa noodle nga gitawag og Samyang nga suma pa sa suwat sa pakete niini nga 2x ang ka-spicy. Daghan ko’g kaila ang mitilaw og miingon nga hang gyud kuno kaayo ni.

Ang gibuhat sa mga batan-on karon mao pagvideo o pagdocument samtang nagkaon sila sa maong noodle. Isip challenge kinahanglang hutdon ang usa ka serving niini. Sa mga interesado apan wa kahibaw og asa ni paliton, ang Samyang mismo nga brand, naay mga online sellers o re-sellers nga ga offer niini.

Apan akoang namatikdan nga lain lain og presyo ang mga namaligya ani online. Ang naka-sachet lang naay naggikan sa 90 pesos hangtod 120 pesos. Ang cup noodle gyud naay 118 pesos hangtod 150 pesos. Basta Samyang lang nga brand.


Akoang tambag sa mga gustong mopalit nga ayaw og kagat dayon. Pag canvass una o ba kaha adto gyud palit mismo sa mga Korean stores sama anang mga convenient stores nga nag offer og Korean products. Akoa nabantayan man gud nga ang uban gyud negosyante kay grabeng patong sa presyo. Abusar na idol. Buhay buhay lang gud unta. Naka-Spicy Korean Noodle Challenge lage ka peru nabuslot pud imong bulsa. (Photo grabbed from Google.)

Facebook Comments