Davao City – Anaa karon sa critical level ang COVID-19 Intensive Care Unit (ICU) ug ward beds sa Southern Philippines Medical Center (SPMC).
Gibutyag ni SPMC chief Dr. Ricardo Audan, sa datos sa SPMC niadtong Mayo 19, 2021, sa 35 beds sa ICU, 28 ang naka-confine nga mga pasyente sa COVID-19 kun anaa sa 80% ang occupancy rate samtang, 71% ang occupancy rate sa ward isolation beds diin sa 352 ka mga kama anaa sa 253 ang occupied.
“Slowly increasing gyod ta kasi ang surge bigla tapos bulk gyod (ang kaso sa COVID-19),” sumala niini.
Segun ni Audan, 212 ang active cases ug 12 ang new cases. Sukad niadtong nilabay’ng tuig 2020, mosumada sa 6,931 ang COVID-19 confirmed cases sa SPMC. Matud ni Audan, 87.82% ang nakarekober sa COVID-19 o 6,987, samtang nakatala og unom ka mga bag-ong deaths, 8.93% ang death rate ug 619 ang total deaths.
Gitataw niini ang death rate sa SPMC mas ubos kung itandi sa Philippine General Hospital.
RadyoMaN Aimee Guinita
