General Santos City—mitahan sa iyang kaugalingon ngadto sa militar partikular sa 27th Infantry Battalion sa pakig-alayon sa lokal nga panggamhanan sa probinsya sa South Cotabato sa pagpanguna ni South Cotabato Governor Daisy Avance Fuentes si Noel Legaspi kon Ka Efren, spokesman sa CPP-NPA ilawom sa Far South Mindanao Region ug asawa niini nga usa ka Medical staff sa NPA nga si ka-Wendy.
Gikumperma mismo sa RMN Gensan ni Lt. Col. Benjamin Leander, commanding officer sa 27th Infantry Battalion, Philippine Army ang pagsurender sa usa ka gikonsiderang taas nga opisyal sa NPA ug asawa niini kagahapong adlawa.
Ang pagtahan sa mga nasangpit parti sa mas gipakusgang pakig-negosasyon sa militar ug sa lokal nga panggamhanan sa South Cotabato nga anaa sa kabukirang bahin sa probinsya.
Rason ni Ka Efren sa pagtahan mao ang kakapoy ug kalisod nga ilang nasinatian samtang anaa sa kabukiran. Buot na usab ni ka Efren nga manginabuhing normal ug wala nagtago-tago sa mga tinugyanan sa balaod.
Nasayran nga 26 na ka tuig nga nagserbisyo sa kalihukan si ka Efren apan wala may kalambuan nga naangkon ang ilang grupo maong siya nakahukom nga mutahan nalang sa gobyerno.
Nahibaluan nga ang Far South Mindanao Region gilangkuban sa Davao del Sur, North Cotabato, South Cotabato, Sarangani, Sultan Kudarat ug Maguindanao.
