Spontaneous combustion, migulang hinungdan sa pagkasunog sa mga basura sa Verde Soko sa Tagoloan

Spontaneous combustion ang migulang hinungdan sa pagkasunog sa mga basura sa Verde Soko sa Sitio Bugwak, Brgy. Sta. Cruz, Tagoloan, Misamis Oriental.

Kini ang resulta sa gihimong imbistigasyon sa committee on environment sa Sangguniang Panlalawigan nga giunhan ni Board Member Boboy Sabal III.

Sa report nga gisumite ni Senior Inspector Randy Obsioma, ang hepe sa BFP-Tagoloan, migawas nga tungod sa naka-stockpile nga basurang nakatakda na untang ibalik sa South Korea, nakatigum kini og methane gas sa ilalom nga bahin.

Giklaro sa opisyal nga walay nakitang foul play sa pagkasunog sa mga basura.