Nahagbong sa rambol ang dula tali sa Gilas Pilipinas ug Australia sa FIBA World Cup Asian Qualifier nga gipahigayon sa Philippine Arena sa Bocaue, Bulacan.
Nasayran nga hilabihan ang lantugi sa duha ka mga koponan sa hard court apan pag-abot sa 4:01 sa third quarter didto na nahitabo ang rambol.
Unang miataki matud pa si Australian Daniel Kickert kang Roger Pogoy nga misangko sa pag-apil sa uban pang players sa Gilas Pilipinas. Mga niapil mao silang si Jayson Castro ug Andray Blatche ug mga bench players nga silang Matthew Wright, Carl Bryan Cruz ug Calvin Abueva.
Tungod sa insidenti gipahamtangan sa mga referee ug ejection ang upat ka players sa Australia ug siyam ka Gilas players nga silang si Troy Rosario, Terrence Romeo, Carl Bryan Cruz, Calvin Abueva, Jayson Castro, Blatche, Japeth Aguilar ug Matthew Wright.
Nasayran nga dihang gipadayon ang dula tulo nalang ka mga players ang misulod sa hard court samtang wala na usab gidayon ang last guarter sa dula human nga nag foul-out ang duha ka nahibiling players sa Gilas.
Samtang luyo paman sa ikaduhang kapildihan sa Gilas, pasok gihapon sila sa sunod nga round sa maong kompitisyon.
