Gisunog sa mga gituohang miyembro sa New Peoples Army ang usa ka Spray Boom Truck sa DOLE Philippines sa Sitio Coli, Barangay Lilingayon, Valencia City, Bukidnon mga alas tres sa kadlawon kagahapon.
Matud ni Supt. Surki Sereñas, Spokesman sa Police Regional Office sa Northern Mindanao nga human gisunog ang maong truck, nagbulag sa duha ka grupo ang mga suspects sa ilang pag-ikyas palayo sa dapit diin ilang gihimo ang maong insidente.
Ang usa ka grupo sa armadong miyembro sa mga rebelde, mi-ikyas padulong sa Manulapi River samtang ang usa grupo, mipa-ingon sa kabukiran sa Barangay Tugaya sa Valencia.
Hinoon matud ni Sereñas nga walay patay sa maong hitabo, gawas nga dili na mapuslan sa DOLE ang ilang spray Boom Truck.
Matud ni Sereñas nga tungod sa maong hitabo, naghimo nag imbestigasyon ang kapolisan sa Valencia City aron ilhon ug taralon sa hukmanan ang mga suspects.
Gibutyag ni Col. Edgardo de Leon nga Brigade Commander sa 403rd Brigade nga nagbasi sa Malaybalay City sa Bukidnon nga sigon sa reports sa ilang field commanders nga dili mominus 30 ka armadong miyembro sa mga rebelde ang nagsunog sa maong truck.
Matud ni De Leon nga maayo gani kay wala patya sa mga suspects ang driver ug secutity guard sa Spray truck sa DOLE.
Gi-imbargo lang sa mga suspects ang ilang Cell phone ug gipadagan palayo sa ilang truck matud ni de Leon.
Matud ni De Leon nga tungod sa maong hitabo miresponde ang iyang mga sakop sa first Special forces Battalion sa 403rd brigade.
“Wala na nila masapon ang mga rebelde, ang ilang naabtan sa maong lugar ang na-ugdaw na nga truck sa DOLE” matud ni de Leon.
Matud ni De Leon nga mag-spry unta ug pinya ang maong Boom truck, sa dihang gi-flag down kini sa armadong mga lalaki, ug unang gi-kuha sa mga suspect ang ilang mga cellphone., sa driver ug security guard.
Tungod niini, gihagit ni Col. De Leon, ang tag-as nga mga official sa mga rebildeng NPA, nga ilang ipasabot sa pobliko, kon ngano nga ilang gisunog ang truck sa DOLE, nga walay labot sa arm conflict sa Bukidnon.
Matud ni De Leon nga ang pag-ataki sa NPA sa truck sa DOLE, violation sa International Humanitarian law kon IHL.
Gibutyag ni De Leon nga si rebel leader Josemari Sison mismo ang mipirma sa mga Provision sa IHL nga nagmando nga ang NPA dili mangataki sa mga sibilyan.
“Mismo si Joma Sison, mipirma sa IHL nga nagmando nga military ra ang ilang atakihon pero nganong gi-apil man nila ang pag-ataki sa mga sibilyan, kini ang dapat ipasabot sa NPA” matud ni de Leon.
