General Santos City–Gi-postponed una sa Department Of Education 12 ang ipahigayong SRAA kon Socsargen Regional Athletic Association nga pagahimuon karong bulana tungod sa bahad sa Novel Coronavirus.
Sumala pa ni Rommel Flores ang School Division Superintendent sa Dep-ed Gensan nga niadtong Pebrero 5 nag pakanaog ug memorandum ang kalihim sa edukasyon nga si Secretary Leonor Briones nga ang tanang aktibidadis sa eskwelahan ang ikansela una karong bulan sa Pebrero tungod sa bahad sa NcoV hinungdan nga ang dep-ed 12 ang misunod usab.
Niadtong nakalabayng simana, gimando na usab ni Dep-ed Gensan School Division Supt. flores nga undangaon una sa mga athlete ang ilahang pagbansay sa sports complex ug mag-paabot nalang ug kamanduan gikan sa ilahag Regional Office sa mga musunod nga aksyon basi usab sa mamahimong disisyon sa central office.
Apan gipaklaro ni Flores nga wala nila gikansela ang SRAA sanglit ilaha lang kining gi-postpone. Takda usab nga kini ipahigayon karong bulan sa Marso. (Dave Silagan)
