SSS member nagpakitabang human wala miabot ang SSS loan

Davao City – Nagpakitabang sa sibyahanan sa DXDC RMN Davao ang usa ka Social Security System kun SSS member human nga wala niya nadawat ang bank check sa loan nga dapat makuha niya niadtong bulan sa Mayo ning tuiga.

Sa tulumanong Serbisyong Straight to the Point uban si RadyoMaN Misel Miral, gisaysay ni Devina Tonzo ang nahitabo og nganong wala pa niya nadawat hangtod karon ang loan diin matud pa pila ka bulan na siyang ginapabalik-balik sa SSS office apan wala gihapon ang bank check.

Sa maong concern, gitambagan ni Neil Grumo sa SSS Davao si Tonzo nga mu-file og Affidavit of non-receipt aron mapadala sa head office ug mailisan og bag-o nga check tungod nakabutang sa account sa maong miyembro nga na-mail na matud pa ang bank check niini.


Dugang ni Grumo nga posibleng sa mailing ang problema sa maong concern hinungdan nga giawhag sa SSS Davao ang mga members nga mugamit nalang og cash card imbes nga i-mail aron masigurong madawat ang loan.

RadyoMaN Renz Barbarona

Facebook Comments