Davao City – Nasayangan pag-ayo ang usa ka nabiktima sa linog sa Magsaysay, Davao del Sur sa gitanyag karon nga calamity loan sa Social Security System kun SSS.
Sa pakighinabi sa DXDC 621 RMN Davao kang Roger Noe, residente sa nasangpit nga lugar.
Dugay na nga panahon nga wala siya kabayad sa SSS busa nasayangan kini nga dili ka-avail sa calamity loan.
“Sa amoa dinhi, ‘di mi ka-apply kay wa nay SSS pud… sayang noh,” segun ni Noe.
Subay kini sa gianunsyo sa SSS pinaagi kang Greta Quayle sa SSS-Davao atol sa interview kaniya ni RadyoMaN Misel Miral-Galve sa tulumanong ‘Serbisyong Straight to the Point.’
Matud ni Quayle, ang calamity loan nga gitanyag karon alang lamang sa mga naapektuhan sa linog sa Davao del Sur walay labot ang Davao City.
Apil sa mga maka-file sa nasangpit nga loan mao ang mga taga-Tulunan, Kidapawan ug Makilala, North Cotabato diin kutob pa kini February 2020.
Dugang ni Quayle, gikinahanglang aktibong miyembro sa SSS ang aplikante ug magkuha og Barangay Certificate diin mamahimo nang mag-file sa bisan asang SSS offices.
RadyoMaN Renz Barbarona
