Davao City – Napaylan na sa Prosecutor’s Office ang kasong murder batok sa suspetsado nga naila sa pangalang Arnold Abadon, 30 anyos, kansa suspect sa pagdunggab-patay kang Eric Somalboro, 28 anyos, nahitabo sa Purok 5 Brgy. Buda Marilog District, siyudad sa Davao.
Kahinumdoman niadtong milabayng adlaw gipahunong sa biktima ang suspect samtang nagsakay sa iyang single nga motorsiklo dayon sa way daghang istorya, gidunggab sa biktima ang suspek resulta sa pagkaigo sa wala nga bahin sa tiyan apan ailog sa suspek ang kutsilyo gikan sa biktima hinungdan nga gibalusan ug dunggab igo ang ubol-ubol resulta sa hinanaling kamatayon sa biktima.
Ang suspetsado gibalhin na sa Marilog PNP ug balhog na sa selda human gitambalan sa Southern Philippines Medical Center (SPMC).
RadyoMaN Don Pulayao
