Gi-raid sa hiniusang pwersa sa kapolisan ug Philippine Drug Enforcement Agency ang staff house ni Samson Molao, ang Presidente sa Cotabato Foundation College of Science and Techonology sa Barangay Doroluman Arakan North Cotabato.
Nakuha sa mga raiding team sa Staff house ni Molao sulod sa maong tunghaan ang tunga sa milyon ka pesos nga balor sa shabu ug trese ka nagkadaiyang high powered firearms.
Matud ni Director Levi Ortiz, sa Special Enforcement Service sa P-DEA Central Office nga ang search warrant giisyu ni Judge Alandrex Betoya, sa Regional Trial Court sa Kabacan, North Cotabato.
Nasayran nga dugay na nilang gipaubos sa surveillance ang illegal drug trade sulod sa tunghaan.
Hinuon, wala naabtan sa raiding team si Molao kinsa gipasakaan na og kasong pagsupak sa Section 5 sa Republic Act 9165 kon Comprehensive Dangerous Drug Act of 2002 ug illegal possession of firearms.
By: RadyoMaN Ellah Baculio
