BACOLOD CITY – Ginreklamo sang isa ka negosyante ang staff sang isa ka konsehal sa Bacolod nga ini ang isa ka fixer sa iya transaction sa ciudad.
Ang negosyante nga nagreklamo nakilala kay Maria Rosa Torres, tag-iya sang isa ka kalan-an diri sa ciudad sang Bacolod.
Ginpahayag sang head sang Peace and Order Safety Office, POSO retired Col. Celestino Guara nga nagpadala sang sulat sa talatapan sang alkalde ang amo nga complainant agud ireklamo ang isa ka staff sang isa man ka city councilor.
Sa iya reklamo, ginsiling ni Torres nga una na ini nga naghatag sang kapin 6 mil pesos para sa pag-proseso sang iya mga papeles sa iya eatery business, apang tubtub sa karon, wala ini gihapon natigayon.
Si Torres ang ginasiling staff ni Councilor Ricardo ‘Cano’ Tan. /Bacolod City PIO photo
