Nanawagan karon ang usa ka grupo sa Transport sector nga STAREX Piston ni Congressman Rolando Uy ug Maximo Rodriguez sa First and 2nd District sa Cagayan de Oro nga mag-file unta silag resolution sa kongreso aron aghaton ang mga congressmen nga i-repeal ang Train Law.
Samtang ang Labor sector, nagplano nga mopasaka sa petisyon alang sa bag-ong salary increase.
Matud ni Ringo Lago, Secretary General sa STAREX Piston sa Northern Mindanao nga ang train law mao ang hinungdan sa pagtaas sa presyo sa mga palaliton.
Gibutyag ni Lago nga misaka ang presyo sa mga nag-unang palaliton tungod usab sa taas nga pagsaka sa presyo sa produktong petrolyo nga gipatungan sa excise tax tungod sa train law.
Matud ni Lago nga kon dili ma-repeal sa kongreso ang Train law mag-atubang sa sunod-sunod nga transport strike ang administrasyon ni President Duterte.
Gibutyag ni Lago nga andam na ang lain laing transport sector sa Northern Mindanao sa paghimog transport strike sa dili pa ang bulan sa Marso.
Matud ni Lago nga ilang pangayoon sa ilang ilunsad nga transport strike nga i-repeal sa congress ang Train law kon ang maong balaod, dili ma-repeal sa lower house sa labing sayong panahon.
“House bill pa lang kining Train law, da-an na kami nag-supak niini kay anti poor kaayo kini nga bala-od” matud ni Lago.
Sa iyang kabahin.
Gipahayag ni Atty. Procolo Sarmen, Regional Vice President sa ALU-TCUP sa Northern Mindanao nga ila karon nga gitun-an sa labor group ang pagpasaka sa lain pang petition for salary increase alang sa mga empleyado sa private sector.
Matud ni Sarmen nga tungod sa Train law, migamay ang purchase power sa suweldo sa mga empleyado.
Gibutyag ni Sarmen nga kon ilang mahuman ang makuting pagtoon, posibling ang ALU-TUCP mopasaka sa petisyon sa Regional Wage Board sa bulan sa Pebrero alang sa salary increase.
Matud ni Sarmen nga lakip sa ilang tun-an sa ALU nga ilang ipa-abolish ang Regional Tripartite Wages and Productivity Board aron ang desisyon sa uminto sa suweldo sa mga empleyado ipaagi na lamang sa kongreso.
