Nagplano na usab karon ang Solidarity of Transport Alliance in Northern Mindanao-Pinagkaisang Samahan ng mga Tsuper at Operator Nationwide o Starex-Piston nga mohimo og sunod-sunod nga transport strike.
Kini aron ilang ipakita sa administrasyon ni Presidente Duterte ang ilang reklamo niining walay undang nga pagsaka sa presyo sa produktong petrolyo.
Matud ni Ringgo Lago, ang Secretary General sa Starex-Piston nga ila karong gikondinar ang sunod-sunod nga pagsaka sa presyo sa oil products nga naka-apekto na pag-ayo sa panginabuhi sa ordinaryong mga Pilipino.
Karong adlawa , gipahibalo sa mga oil companies ang ilang subli nga pagpatuman sa uminto sa presyo sa produktong petrolyo nga mokabat sa 55 hangtud 65 sentabos kada litro sa gasolina, 30 ngadto sa 40 sentabos sa diesel ug 40 ngadto sa 50 sentabos sa kerosene.
Matud ni Lago nga sulod sa duka ka semana, mikabat na sa dos pesos ang pagsaka sa presyo sa gasolina, diesel ug kerosene.
By: RadyoMaN Nitz Arancon
