Gialerto karon ni Police Supt. Nelson Aganon- City Director sa Cagayan de Oro City Police Office kon COCPO ang mga station commanders ning syudad.
Kini alayun sa nahitabong pagpamomba sa simbahan sa Jolo, Sulu, alas otso sa buntag nga gikatala sa mga casulaties.
Tungod niini, magpahigayon og random ug spot inspection sa mga bagpacks ug uban pang gamit ang kapolisan aron masiguro nga malikayan ang maong panghitabo.
Makig-koordinar usab ang COCPO sa mga simbahan ug uban pang area sama sa mga malls ug kamerkaduhan aron ipatuman ang istriktong security measures sa ilang mga Area of Responsibility.
Giawhag usab sa COCPO ang katawhan nga dili magpanic, dili mabalaka ug magpabilin nga kalmado.
Kung aduna may mamatikdan nga dautang lihok sa palibot mahimong mo report ang katawhan sa pinakaduol nga police stations o kaha kontak sa ilang hotlines sa 0936-401-7888 o kaha sa 0917-771-3663.
