General Santos City— Pormal ng gipasakaan ug dugang kaso ang station manager sa Bombo Radyo Gensan Nga Jonahan”Jan-Jan” Macailing human kining subli nga maaresto milabay’ng adlaw nga byernes Enero 18.
Subay sa impormasyon gikan sa kapulisan, kasong direct assault, obstruction of justice, robbery ug physical injury ang mga dugang kasong atubangon ni Macailing.
Ang maong mga kaso ang gipasang-at human nilang gi-dis-armahan ang duha ka mga arresting officer, pugsanong gikuha ang mga bag sa pulis ug gikulata nga miresulta sa pagka-black eye sa usa sa mga pulis.
Kahibaluan nga adunay nahitabong komusyon dihang gi-aresto si Macailing duol sa city hall ning dakbayan sa Gensan.
Ang subling pag-aresto kang Macailing ang resulta sa gipagawas nga warrant of arrest sa RTC branch 35 nga pinirmahan ni Judge Oscar P. Noel dinhi sa dakbayan gumikan sa wala niini pagtambong sa iyahang arraignment sa kasong robbery with intimidation nga una nang gipasang-at milabay’ng Setyembre 2018 human kining madakpan sa gipahigayong entrapment operation.
