General Santos City—Midepensa si Jonathan “Janjan” Macailing, Station Manager sa usa ka Radio Station sa Gensan human kining giaresto alas 3:40 ang takna kagahapong adlawa gumikan sa dili pagtambong niini sa hearing sa kasong Robbery With Violence and Intimidation nga gipasang-at sa NBI niadtong Sept., 18, 2018.
Sa off the record nga pakig-estorya ni Radyoman Dave Silagan ngadto sa nasangpit iyang gibutyag nga siya natingala nganong siya gisilbihan ug warrant of arrest tungod sa dili pagtambong sa hearing sa kasong iyang giatubang gumikan nakafile man sila ug Motion aron i-re-set ang schedule sa hearing sa iyang kaso tungod dili available ang iyang abogado.
Natingala nalang kini nga siya gidakop gilayon sa kapulisan bisan paman nga na- received man sa korte ang ilang motion. Nasayran nga Enero 16 unta ang hearing sa iyang kaso, apan tungod wala kini nakatambong siya gipagawasan ug warrant of arrest niadtong Hwebes, Enero 17, 2018.
Samtang gisaysay usab niini nga ilang naalaan nga gun for fire ang duha ka intel operatives nga modakop unta ngadto kaniya gumikan nagsunod-sunod kini kanila.
Pag abot sa Zapote-Sineguelas Street, didto na giambakan matud pa sa iyang mag body Guards diin duha niini niyembro sa CSU-Gensan ang duha ka mga pulis sa pagtuong mga gun for hire dayon ilang gisita mao nga nahitabo ang kumusyon.
Giangkon usab niini nga gidis-armahan sa duha niya ka mga body guards ang mga Police. Human niini didto na nagpailang mga pulis diay ang duruha.
Nasayran nga wala pa naghatag og opisyal nga pamahayag si Janjan bahin sa pagkasikop kaniya human nga wala pa siya gihatagan ug Clearance sa management sa estasyonan sa radyo nga iyang gitrabahuan.
