TACLOBAN CITY – Nagpagawas na an buhatan han Presidential Management Staff Regional office VIII han listahan han mga government agencies nga kompleto na nga natagan, for release ngan an iba in on- going pa nga gin poproseso an financial assistance tikang ha Presidential Management Staff nga gintatawag nga President Social Fund Yolanda Financial Assistance nga gin aprobahan dida pa han administration ni anay Presidente Benigno Aquino.
Sumala kan Evelyn Clarin, Regional Head han Presidential Management Staff Region 8, may sumatotal P2.8 Billion nga yolanda fund an PMS para han financial assistance han purluminos 64,642 nga empleyado han magkadurudilain nga ahensya han gobyerno han region 8, 7, 6 ngan 5.
Na-release na an 1st ngan 2nd trance o kompleto na nga natagan hin assistance an mga empleyado ha buhatan han DPWH, Landbank, Bureau of Treasury, GSIS, DBM, DTI, DOJ, ngan DOLE.
Samtang for fund release na an buhatan han PAGIBIG, NAPOLCOM, MGB, ngan DepEd.
Pero sumala han opisyal, nga DepEd division pala han Leyte, Borongan, Baybay ngan Biliran an matatagan pala mahitungod nga diri pa kompleto an iba nga requirements han iba nga division.
On-going naman an evaluation han PMS ha PhilPost, Civil Service, ngan CHED pero LNU, VSU ngan ESSU- Guiuan pala an naka kompleto han mga requirements.
Samtang katatapos pala an ginbuhat nga physical audit ha LMWD, ngan DA ngan pagdudumaraon liwat yana nga Desyembre 4-9 ha buhatan han DAR, COMELEC, ngan Ombudsman. Partial Liquidation naman ha Philippine National Police.
Nag pahimatngon naman an branch head, nga diri pa tanan nga ahensya han gobyerno an nakacomply han requirements han mao nga assistance rason han diri pa hira natatagan ngan napoproseso an ira financial assistance.
