Gipatawag kagahapon sa buntag sa komitiba ni Konsehal Bong Lao sa Committee on Public Utilities sa konseho ang mga kadagkoan sa Cagayan de Oro Water District o C-O-W-D ug Rio Verde ning dakbayan.
Kini ang gibutyag ni Konsehal Lao ang chairman sa komitiba sa tumong nga maklaro kung kanus-a mabalik sa normal ang agas sa tubig nga nakaapekto sa mga konsumante sa westeng bahin ning syudad.
Mahinumdoman, nga ang nahitabong linog niadtong miaging semana ang gibasol sa C-O-W-D ug Rio Verde nga maoy hinungdan sa paghinay ngadto na sa pagkawala sa agas sa tubig.
Kini tungod sa pagkaguba sa main pipe sa dam sa Rio Verde kung asa naggikan ang gikuhang tubig sa katawhan sa Cagayan de Oro.
Gibutyag ni Konsehal Lao nga mitawag pa siya kang Mr. Joel Baldelobar ang board member sa C-O-W-D aron ipangutana kung tinuod bang napalit na ang pasilidad sa Rio Verde sa negosyanteng si Manny Pangilinan.
Tuod man, gikompirmar sa maong opisyal sa C-O-W-D nga napalit na sa negosyanteng si Pangilinan ang pipila ka pasilidad sa Rio Verde.
By: RadyoMaN Ellah Baculio
