Stepfather nga gin-alegar nagpatay sa iya manak sa syudad sang Sagay nagkambyo ang pahayag kag ginpanginwala ang krimen

16

Nagkambyo sang pahayag ang stepfather nga gina-alegar nagpatay sa iya 14-anyos nga manak nga babaye sa Hacienda Rizalina, Brgy. Rizal, Sagay City sang Enero 1, 2021.

Sa nakuha nga impormasyon sang DYHB sa imbestigador sang Sagay City Police Station, naghatag sang affidavit ang suspek nga si Elias Granciso, nga nakagamit siya sang marijuana sang iya ginkuga tubtob mapatay ang iya manak.


Apang sa interview naman mismo sa suspek, ginpahayag sini nga sang Disyembre 31, na-missing ang biktima kag nagbulig ini sa pagpangita. Sang iya nakit-an ang biktima, may higot ini nga pisi sa liog kag nagapati si Granciso nga nagpanginmatay ang menor de edad bangud man sang iya pag disiplina diri, ilabi na sa paggamit sang cellphone.

Dugang pa sang suspek, wala siya nagagamit sang iligal nga druga kag napilitan siya nga maghimo sang istorya sa pulis nga siya ang nagpatay sa biktima, bangud nga ginalantaw niya nga ipaako sa gihapon sa iya ang krimen.

Santo sa nauna nga report, mismo ang suspek ang nag-report sa pulis sa bangkay sang biktima nga nasapwan sa talamnan sang kamoteng kahoy apang sang nag-imbestigar na ang mga otoridad, nadula si Granciso gani ginkabig ini nga suspek kag ginlagas tubtob madakpan.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments