Priso karun sa Police Station 4 ang isa ka amay matapos gin-alegar nagkastigo sa iya duha ka stepdaughters sa Purok Mainuwaon, Brgy. 19, Bacolod City.
Ginkilala ang suspetsado kay Leonardo Villanueva, 42-anyos, residente sang nasambit nga barangay, ginreklamo sa paglapas sang RA 7610 ukon “Special Protection of Children Against Abuse, Exploitation and Discrimination Act.”
Santo sa imbestigasyon, alas-6:30 kagab-i, Mayo 10, sang ginhampak sang suspek sang basa nga shorts pants ang iya 11-anyos kag 8-anyos nga stepdaughters.
Apang sa interview sang DYHB sa suspek, ginpahayag sini nga ang 11-anyos lang ang iya ginhampak sang basa nga short pants bangud nadugayan ini pauli matapos iya ginsugo nga magbakal sang ginamos.
Nagapangayo naman karun sang pasaylo ang suspek sa iya duha ka manak sa iya nahimo kag iya ginpahayag nga palangga man niya ang mga ini.
Nagatrabaho sa Manila ang iloy sang duha ka bata, samtang ang suspek ang isa ka barbero.
[image: image.png]
