STL, dakong tabang matud pa sa pagpapas sa illegal nga swertres, apan magdepende pa gihapon sa kapulisan

Nagtoo si Malaybalay City Councilor Atty. Warren Pabillaran nga dakong tabang ang small town lottery kon STL aron mawala ang illegal nga sugal.

Sa interview sa RMN Malaybalay ngadto kang Atty. Pabillaran gibutyag niini nga tumong sa STL mao nga masumpo ang illegal nga swertres.

Wala matud pay mapaingon sa gobyerno sa illegal maong mas angayan nga sumpuon kini.

Matud sa konsehal nga sayang kung walay pondo nga mahipunta sa gobyerno nga unta ibalik ra man kini sa pagtabang sa mga nanginahanglan.

Samtang sa managbulag nga interview sa RMN ngadto kang Board Member Melchor Maramara gibutyag niini nga magdepende sa kapulisan kung unsa ka agresibo mawagtang ang illegal nga swertres.