Human gianunsyo sa PAGASA nga giwagtang na sa Caraga Region ang Tropical Warning Signal kagahapon, hinay-hinay na sab nga mibalik sa ilang tagsa-tagsa ka panimalay ang kadagahanan sa mga pamilyang nagbakwit nga gipahimutang sa mokabat 98 ka mga evacuation center sa rehiyon. Nasayran nga dinhi sa Caraga basi sa data sa Regional Risk Reduction and Management Council (RDRRMC) miabot sa kapin singko mil ang ihap sa mga pamilya nga adunay kapin sa 21 mil ka mga indibidual ang nagbakwit nga apektado sa pagbaha ug posibleng landslide. Kagahapon gibutyag ni Ma’am Lolit Vinalay, Head sa PAGASA Bancasi human nga naglandfall sa Cateel Davao Oriental si Bagyong Vinta nahimo kining Severe Tropical Storm ug sa dihang mitabok kini sa northern Davao Region mihinay ang maong bagyo ug nahimo nang tropical depression nga gilaulang makagawas sa Phil. Area ugma sa hapon, adlawng Dominggo. Mao nga kagahapon sa hapon hingpit na nga giwagtang ang Tropical Warning Signal dire sa Caraga Region ug gitugutan nang makalawig sa kadagatan ang mga sakyanang pandagat. Niya pa nga sa kasamtangan adunay usa pa ka daot nga panahon nga ilang gibantayan nga posibleng mosulod sa PAR sa dili pa matapos ang tuig apan kini layo pa ug anaa pa gawas sa Phil. Area of responsibility. Dinhi sa Butuan sa monitoring sa CDRRMO miubos na ang level sa tubig sa Agusan river. Sent from my Samsung Galaxy smartphone.
