Ya sale destrosao el mga stractura que ta ocupa el mga travelling merchants na RT Lim boulevard porcausa del bien fuerte viento y aguasero enantes aga.
El mga comersyante afectao cada cualan ya man halahan el diila mga venta y pricura tapa coneste de lona desfues yah ace baliscat el viento y yah ace rompe con el trapal que ta proteje con el diila mga venta na lugar.
Losdemas mga ventero nuay mas espera que hay tumba pa el diila mga establisemiento, chene canila ya pricura ya carga para na diila mga trak el mga venta para hinde muha na fuerte aguasero.
Apelo diila con el govierno local para compone insiguidas el mga destrosao estraktura para fuede continua el diila negocio na lugar. –* Bhong Simbajon/RMN News*
Facebook Comments
